Balqash balyǵy Reseı men Ýkraınaǵa eksporttalady
TARAZ. QazAqparat - Balyqty óńdeý jobasyn «Myńaral Kompanııa» JShS iske asyratyn bolady, dep habarlaıdy «QazAqparat» HAA tilshisi.
Jambyl oblystyq ákimdiginiń baspasóz qyzmeti habarlaǵandaı, óńir basshysy Kárim Kókirekbaev Moıynqum aýdanyna jasaǵan jumys sapary barysynda Balqash kóliniń jaǵasyndaǵy Myńaral aýylynda ornalasqan balyq zaýytynda boldy.
Eske salaıyq, 2014 jyly Táýelsizdik kúni qarsańynda qoldanysqa berilgen balyq óńdeý zaýyty Údemeli ındýstrııalyq-ınnovatsııalyq damý memlekettik baǵdarlamasy aıasynda júzege asyrylǵan iri jobalardyń biri sanalady. Myńaral balyq zaýyty jylyna kem degende 1,5 myń tonna ónim shyǵarady. Jobanyń jalpy quny 600 mln. teńgeni quraıdy, sondaı-aq 200 jumys orny ashylǵan. Zaýytta jıyrma qaıyq jáne tájirıbeli balyqshylar bar.
Zaýyt dırektory Sergeı Nıdiń aıtýynsha, kásiporyn tazartylǵan Balqash balyǵyn (kókserke, sazan, aqtaban, jylanbas balyq, aqmarqa, torta balyq), balyq súbesin, keptirilgen balyqty, shıkizatty tereń óńdeý ónimderi - balyqtyń súıeginen jasalǵan un jáne balyqtyń tartylǵan etin shyǵarady.
Zaýyt aıyna 40 tonna keptirilgen balyqty óndiredi. Daıyn ónimder Qazaqstannyń ishki naryǵyna da, Reseı men Ýkraınaǵa eksportqa da jiberiledi.
