Balqash áýejaıy elimizdegi áýejaılardy damytý baǵdarlamasyna engiziledi
«Memleket basshysy Qasym-Jomart Toqaev Qaraǵandy oblysyna jumys sapary barysynda elimizdiń áýejaılaryn damytý baǵdarlamasyna Balqash qalasynyń áýejaıyn qosýdy tapsyrdy.
Osy rette Indýstrııa jáne ınfraqurylymdyq damý mınıstrligi Balqash áýejaıyn damytý jónindegi jobanyń 2023-2024 jyldarǵa arnalǵan «Qýatty óńirler – el damýynyń draıveri» ulttyq jobasyna engizýdi qoldaıdy.
Sondaı-aq Prezıdenttiń tapsyrmasyna sáıkes 2022 jyldyń mamyr aıynan bastap qazan aıyna deıin Balqash qalasyna aptasyna 14 reıs jıiligimen Astana men Almatydan keletin áýe marshrýttary sýbsıdııalanady. Osylaısha, jazǵy kezeńde áýe reısterin «ıÝjnoe nebo» kompanııasy iske asyrǵanyn aıta ketken jón»,-delingen habarlamada.
Maýsymdyq jáne týrıstik aǵymdy eskere kele, jańa áýe jáne temirjol baǵyttarynyń ashylýy týraly aıtatyn bolsaq, Azamattyq avıatsııa komıteti Qaraǵandy oblysynyń ákimdigimen birlesip, óńirdi damytýdyń keshendi jospary aıasynda jańa áýe marshrýttarynyń ashylýyn qarastyryp jatyr. Mysaly, 2024 jyldan bastap Shymkent, Túrkistan jáne Jezqazǵan qalalarynan Balqash qalasyna deıin marshrýttar ashý kózdelip otyr. Sonymen birge Astana men Almatydan oryndalatyn reıster sýbsıdııalanady.
Memleket basshysynyń «Jas otbasylarǵa arnalǵan ıpoteka» jeńildetilgen baǵdarlamasyn qarjylandyrýdy ulǵaıtýǵa qatysty tapsyrmasyna kelsek, qazir jumys istep júrgen jastarǵa arnalǵan óńirlik baǵdarlamalar qabyldanyp jatyr.
«Onyń ishinde, jas otbasylarǵa arnalǵan baǵdarlamalar da bar. Máselen, Qaraǵandy oblysynda «Qaraǵandy jastary» óńirlik baǵdarlamasy iske qosylyp, ony júzege asyrýǵa bıyl shamamen 1,5 mlrd teńge bólindi. Atalǵan qarajatqa 75 otbasy turǵyn úımen qamtamasyz etiledi»,-dep jazady baspasóz qyzmeti.
