Balqash áýejaıy qaıta ashylǵaly 85 reıs oryndaldy
ASTANA. KAZINFORM — Balqashta memleketke qaıtarylǵan aktıvter esebinen áýejaıdy rekonstrýktsııalaý jumystary aıaqtaldy.
Bas kólik prokýratýrasynyń málimetinshe, joba Qazaqstan Respýblıkasy Prezıdentiniń memleketke qaıtarylǵan aktıvterdi óńirlik ınfraqurylymdy damytýǵa jáne áleýmettik mańyzy bar jobalardy iske asyrýǵa baǵyttaý jónindegi tapsyrmasyn oryndaý aıasynda júzege asyryldy.
Rekonstrýktsııa nátıjesinde áýejaıdyń ınfraqurylymy jańǵyrtylyp, ushý qaýipsizdiginiń deńgeıi arttyryldy, sondaı-aq jolaýshylarǵa qyzmet kórsetý úshin qolaıly jaǵdaılar jasaldy.
Áýejaı ashylǵan sátten bastap búginge deıin 85 reıs oryndalyp, 10 681 jolaýshy tasymaldandy.
— Qala turǵyndary men qonaqtary áýe qatynasynyń qaıta jandandyrýyn, áýejaıdyń zamanaýı kelbetin jáne qyzmet kórsetý sapasynyń jaqsarýyn oń baǵalap jatyr. Áýejaıdy rekonstrýktsııalaý Balqashtyń kólik qoljetimdiligin arttyrýǵa, týrızm men óńir ekonomıkasynyń damýyna qosymsha múmkindik jasaýǵa yqpal etti, — delingen habarlamada.
Eske salaıyq, buǵan deıin Almatyda qaıtarylǵan aktıvter esebinen 49,3 shaqyrym sý jáne káriz jelisi jańartylǵanyn habarlaǵan edik.
