Balqash aýdanynyń turǵyny 2 jastaǵy balany 30 myń teńgege satqan
QARAǴANDY. QazAqparat - Qaraǵandy oblysy Balqashta óziniń 2 jastaǵy balayn satqany úshin 22 jastaǵy áıel ustaldy. Bul týraly óńirdiń ІІD baspasóz qyzmeti habarlady.
«31 mamyrda Qaraǵandy oblysy ІІD UQKB-ǵa 22 jastaǵy áıel óz balasyn aqshaǵa satpaqshy degen aqparat kelip tústi. Onyń kim ekeni anyqtaldy. Jedel sharalar júrgizý barysynda polıtsııa qyzmetkerleri bala satýshyny 30 myń teńge berý kezinde ustady», - delingen habarlamada.
Osy fakti boıynsha QR QK 135-baby 1-bóligi boıynsha sotaldy tergeý júrgizilýde. Áıel ýaqytsha oqshaýlaý abaqtysyna qamaldy.
Anasynyń kinási dáleldengen jaǵdaıda, ony múlki tárkilenip, 5-ten 7 jylǵa deıin bas bostandyǵynan aıyrady.
