Balqash AES qurlysy 2027 jyly bastalady
Astana. KAZINFORM —Qazaqstandaǵy alǵashqy atom elektr stantsııasynyń qurylysy 2027 jyly bastalatyn boldy. Bul týraly Qazaqstan Respýblıkasynyń Atom energııasy jónindegi agenttiginiń resmı ókili Shyńǵys Іlııasov habarlady.
Onyń aıtýynsha, AES-ti tolyq iske qosý 2030 jyldyń orta tusyna josparlanyp otyr.
Aldyn ala málimet boıynsha, stantsııa kezeń-kezeńimen paıdalanýǵa berilmek: áýeli bir blok, keıin ekinshisi iske qosylady. Eki bloktyń arasy shamamen 8–10 aı bolady degen jospar bar. 2030 jyldardyń ortasyna qaraı jobany tolyq aıaqtalady.
Shyńǵys Іlııasovtyń sózinshe, Reseı Federatsııasynyń Prezıdenti Vladımır Pýtınniń memlekettik sapary kezinde eldegi alǵashqy AES-ti salýǵa qatysty eki úkimetaralyq kelisimge qol qoıylýy múmkin.
Bul qujattar AES qurylysyna jáne jobanyń qarjylyq tetikterine qatysty bolmaq.
Buǵan deıin AES qurylysyna qajet mamandar «Bolashaq» arqyly daıarlanatynyn jazǵan edik.
