Balqandaǵy sý tasqyny: Albanııada áıel qaza tapty, Grekııaǵa kóshkin qaýpi tóndi
ASTANA. KAZINFORM — Albanııaǵa jaýǵan nóser jańbyr men bolǵan sý tasqyny saldarynan Grekııamen shektesetin Devole aýdanynda bir áıel qaza tapty, dep habarlaıdy Euronews.
75 jastaǵy jergilikti turǵyndy arnasynan tasyǵan shaǵyn ózenniń aǵysy alyp ketken, onyń denesin tabý úshin birneshe saǵat qajet boldy.
Sońǵy táýlikte eldiń ońtústigi men ońtústik-shyǵysynda júzdegen adam shuǵyl túrde evakýatsııalandy. Joldar, kópirler jáne basqa da ınfraqurylym nysandary qatty zaqymdandy, júzdegen gektar aýyl sharýashylyǵy alqaptaryn sý basty.
Bul jaǵdaıǵa bılik ókilderi alańdaýshylyq bildirip otyr, óıtkeni aldaǵy kúnderi jaǵdaıdyń jaqsara qoıýy ekitalaı.
Korfý men Epırdegi jaǵdaı
Grekııada da qolaısyz aýa raıy saldary bolýy múmkin aýyr máseleler týǵyzyp jatyr, ásirese Korfý aralynda jáne Epırdiń aýyldyq aımaqtarynda. Bul jerlerde joldardy sý shaıyp ketken, elektr jáne sý jetkizý júıeleri toqtatylǵan.
Epır aımaǵynyń ortalyǵy ıAnına qalasynda aýa temperatýrasy edáýir tómendep, mańaıdaǵy taýlarda alǵashqy qar jaýdy.
Birneshe óńirde tótenshe jaǵdaı rejımi engizildi. Sınoptıkter kóshkin júrý qaýpi bar ekenin de eskertip otyr.
Aldaǵy kúnderi Grekııanyń batysynda taǵy da jańbyr jaýýy kútilip otyr.
Eske sala ketsek, Vetnamdaǵy sý tasqynynan kelgen shyǵyn 300 mıllıon dollardan asqanyn jazdyq. Al osy tabıǵı apat saldarynan qaza tapqandar sany 100-ge jýyqtady.