Balyqshylar muz kóshkininde qalyp qoıǵan ıtti qutqaryp qaldy
PAVLODAR. KAZINFORM - Lakı dep atalatyn ıt buǵan deıin Pavlodar aýylyndaǵy belsendi demalys ortalyǵynda bolǵan. Qazirgi ýaqytta janýarlardy qutqarýshylar uıymy oǵan pana bolatyn jańa qojaıyn izdep jatyr.
Áleýmettik jelide balyqshylardyń Ertis ózenindegi muz keseginde qalyp qoıǵan ıtti qutqarý sáti túsirilgen vıdeo tarap jatyr. Ábden álsiregen janýardy kóshkinnen aman alyp qalǵan balyqshylarǵa turǵyndar alǵystaryn jaýdyrýda.
«Dobrye ruki PVL» qańǵybas janýarlarǵa kómek kórsetý qorynyń jetekshisi Nadejda Gordovanyń aıtýynsha, arnaıy daıyndyqsyz jáne qorǵanys quraldarynsyz ıtti muzdan aman alyp shyǵý - ekiniń biriniń qolynan kelmeıtin is.
– Itti Pavlodar aýylynan bes shaqyrym jerden tapqan. Balyqshylar bizge habarlasyp, janýardy qabyldaýdy surady, - deıdi ol.
Belgili bolǵandaı, Lakı dep atalatyn ıakýt laıkasynan aldyńǵy ıesi bas tartyp, Pavlodar aýylyndaǵy belsendi demalys ortalyǵyna bergen. Tóbettiń úıshigin tazalaý kezinde birneshe ıt qashyp ketken. ıAkýt laıkasy tabıǵatynan óte belsendi ári erkindikti súıetin tuqym deıdi mamandar.
Janýarlardy qutqarýshylar uıymy oǵan pana bolatyn jańa qojaıyn izdeýge kirisip ketti.
Buǵan deıin Ertis ózeninde seń júre bastaǵanyn jazǵanbyz.
