Balıdegi sý tasqynynan qaza tapqandar sany 19 adamǵa jetti
ASTANA. KAZINFORM – Týrıster kóp keletin Balı aralynda birneshe kún boıy tolassyz jaýǵan jańbyrdan bolǵan sý tasqynynan keminde 19 adam qaza tapty, dep habarlaıdy Xinhua aqparat agenttigi.
Odan bólek tabıǵı apattan 10 adam iz-túzsiz joǵalyp ketken. Qazirgi kezde izdestirý-qutqarý jumystary júrip jatyr.
Sý tasqyny úıler men aýylsharýashylyq alqaptaryn zaqymdap, turǵyndardy bıik jerge kóshirýge májbúr etti. Indonezııanyń meteorologııa, klımatologııa jáne geofızıka agenttigi qatty jaýynnyń apta boıy jalǵasatynyn eskertti.
Bul eldegi jańbyrly maýsym ádette qarashadan sáýirge deıin sozylady. Alaıda keıingi jyldary klımattyń ózgerýine baılanysty maýsym merzimi uzara bastady.
Buǵan deıin Pákistannyń Pendjab provıntsııasynda sý tasqyny qaýpine baılanysty 25 myń adam evakýatsııalanǵanyn jazǵan bolatynbyz.
Elimizdiń óńirlerinde sý tasqyny kezeńine daıyndyq qalaı júrip jatqanyn myna silteme arqyly oqı alasyz.