Balıde sý tasqynyna baılanysty tótenshe jaǵdaı jarııalandy
ASTANA. KAZINFORM — Balı bıligi tanymal týrıstik aralda sońǵy onjyldyqtaǵy eń aýyr sý tasqynyna baılanysty bir aptaǵa tótenshe jaǵdaı jarııalady, dep habarlaıdy Al Jazeera.
Indonezııa prezıdenti Prabovo Sýbıanto kómekshilerine ólimge ákelgen sý tasqyny saldaryn joıýdy tezdetip, iz-túzsiz joǵalǵan adamdardy taýyp, qonys aýdarǵan turǵyndarǵa qajetti zattardy jetkizýdi buıyrdy.
Tabıǵı apattardyń saldaryn joıý jónindegi ulttyq agenttiktiń (BNPB) habarlaýynsha, habar-osharsyz joǵalǵan adamdardy izdestirý jáne qoqystardy tazalaý úshin ártúrli agenttikterden 400-600 qyzmetker jumyldyrylǵan.
Eske sala ketsek, týrıster kóp keletin Balı aralynda birneshe kún boıy tolassyz jaýǵan jańbyrdan bolǵan sý tasqynynan keminde 19 adam qaza tapty.
Indonezııada jańbyrly maýsym ádette qarashadan sáýirge deıin sozylady. Alaıda keıingi jyldary klımattyń ózgerýine baılanysty maýsym merzimi uzara bastady.