Balı mańynda parom apatynan qaza tapqandar arasynda qazaqstandyqtar joq – SІM
ASTANA. KAZINFORM – Qazaqstannyń Syrtqy ister mınıstrligi Indonezııadaǵy Balı aralynyń mańynda jolaýshylar paromy apatqa ushyraýyna qatysty túsinikteme berdi.
Buǵan deıin paromnyń ıAva aralynan shyqqannan keıin shamamen 25 mınýt ótkende sýǵa batyp ketkeni habarlanǵan edi. Reuters agenttiginiń málimetinshe, apat saldarynan tórt adam qaza tapqan, 30 adam habar-osharsyz ketken, taǵy 31 adam qutqarylǵan. Qutqarý qyzmetteri izdestirý jumystaryn jalǵastyrýda.
Indonezııanyń izdestirý-qutqarý basqarmasy kemeniń batýyna qozǵaltqyshtaǵy aqaý sebep bolǵanyn málimdedi. Paromda 53 jolaýshy men 12 ekıpaj múshesi bolǵan.
«Aldyn ala aqparat boıynsha, qaza tapqandar men zardap shekkender arasynda Qazaqstan azamattary joq», – dep habarlady QR Syrtqy ister mınıstrligi.
Aıta keteıik, Indonezııada ustalǵan qazaqstandyqtarǵa advokattar izdestirilip jatyr.