Balǵynbek Imash «Óner barysy» týraly: Serik Ibragımov bárin jeńemin dep otyr
ASTANA. QazAqparat - «Óner barysy» jobasynyń avtory, aıtysker aqyn Balǵynbek Imash Naýryz meıramy kezinde ótetin biregeı týrnırge daıyndyq qalaı júrgizilip jatqanyn aıtyp berdi, dep habarlaıdy QazAqparat tilshisi.
«Bıyl - Jastar jyly dep jarııalanǵandyqtan, «Rýhanı jańǵyrý» baǵdarlamasynyń aıasynda jastarymyzdy ulttyq qundylyqtarǵa burý, ulan baıtaq dalany qaldyryp ketken ata-babalarymyzdyń qaısarlyǵyn nasıhattaý maqsatynda osy jobany uıymdastyryp otyrmyz. Óner salasynda júrgen ánshilerdiń, aqyndar men syqaqshylardyń segiz qyrly, bir syrly ekenin kórsetkimiz keledi. Jastar qazir juldyzdarǵa elikteıdi. Biz nege ánshilerdi bir qyrynan kórýimiz kerek. Jurttyń bári kez kelgen joba bolsa, mindetti túrde ánshiler qalmaıdy eken dep aıtyp jatady. Biraq biz ónerdiń barlyq salasynan úmitkerlerdiń bárine jol ashtyq», - deıdi joba avtory Astanada ótken baspasóz máslıhatynda.
Balǵynbek Imashtyń aıtýyna qaraǵanda týrnırge 18 ánshi men aqyn tańdap alynǵan.
«Nurlan Musaev degen mańǵystaýlyq balýan birneshe jyl buryn óz óńiriniń Óner barysy atanǵan. Nurlanmen birge soltústik óńirden shyqqan Álibek Serǵalıev atty aqyn da baǵyn synaıdy. «Jaýjúrek myń bala» degen fılm jastarǵa qalaı áser etkenin bilesizder. Batyrlardyń rólin somdaǵan jigitter ómirde qandaı eken degen suraqtar da suralyp jatty. Ol jigitter ózderiniń kınoda somdaǵan keıipkerlerimen eshqandaı aıyrmashylyǵy joq ekenin osy jobada dáleldeı alady. Sondyqtan, sol fılmdegi basty róldegi úsh jigit te qatysqaly otyr», - deıdi aqyn.
Joba avtory óz sózinde taý halyqtary sekildi qazaq balalaryn da jas kezinen bastap kúreske tárbıeleý kerektigin atap ótti.
«Bizdiń jastarymyzdyń bári nege ánshi bolýǵa qumar? Bizge ulan baıtaq dalasyn qorǵaıtyn, Otanyna, otbasyna qorǵan bola alatyn azamattar kerek. «Bala barysyn» ótkizsek qalaı bolar eken degen de oı keldi. Ol da jobalardyń biri. «Jas barys» sekildi týrnırlerdi televızııalyq joba qylsaq, qanshama jastardy qazaq kúresine tarta alar edik», - deıdi Balǵynbek Imash.
Joba avtorynan baspasóz máslıhatynda naqty favorıtter bar ma degen suraq ta qoıyldy.
«Juldyzdardyń qaı-qaısymen sóılesseń de, «Óner barysy men bolamyn» dep otyr. Jigitterdiń bári janyp tur. Jeńil salmaqta anaý osal, mynaý myqty demeı-aq qoıalyq. Kúsh atasyn tanymaıdy. Kishkentaı Serik Ibragımovtyń ózi «75 kelige deıin bárin ıleımin» dep otyr. Biraq, aýyr salmaqqa keler bolsa, favorıtterdiń qatarynda Erkebulan Daıyrov bar», - deıdi Balǵynbek Imash.
Aıta ketsek, «Óner barysy» dodasy 21 naýryzda Astanadaǵy «Dáýlet» sport kesheninde ótedi.
Eske sala ketsek, «Óner Barysy» respýblıkalyq týrnıri ótetinin keshe habarlaǵan bolatynbyz.
Jıyrmaǵa jýyq palýan chempıondyq beldikti sarapqa salady. Olardyń ishinde birde-bir kásipqoı sportshy joq. Biraq olardy búkil Qazaqstan halqy tanıdy - tatamıge tanymal artıster men mýzykanttar shyǵady. Ánshiler, aıtyskerler, akterler, KTA-ǵa qatysýshylar ulttyq sport túrinen sheberlik baıqasady.
Qaırat Nurtas, Abaı Aıazbaev, Serik Ibragımov, Meıirjan Tórebaev, Amangeldi Óteshov, Asylhan Tólepov, Artýr Tólepov, Aıan Ótepbergen, Nurlan Musaev, Erkebulan Daıyrov, Álibek Serǵalıev, Nurbolat Abdýllın, Ardaq Baıǵabyl, Ǵalym Mahambetov, Aqbolat Ótebaı, Syrymbet Bıbosynov, Hamıt Erdehan jáne basqalary boz kilemde beldesedi.
