Balǵa ustaǵan jeke sot oryndaýshysynyń áreketi zańsyz bolyp shyqty
ASTANA. QazAqparat - Respýblıkalyq jeke sot oryndaýshylar palatasy jeke sot oryndaýshy Jylqybaevtyń vıdeosyna qatysty túsinikteme berdi, dep habarlady «QazAqparat» HAA tilshisi.
2016 jyldyń qazaq aıynda jeli qoldanýshysy óz pikir jazylǵan vıdeo jarııalady: «Astanalyq sot oryndaýshynyń bassyzdyǵy. Sot oryndaýshy Rýslan Jylqybaev ekinshi top múgedegi, men kishi balammen jáne ekinshi top múgedegi, marqum kúıeýimniń inisimen turyp jatqan ápkemniń úıiniń esigin 20 mınýttan beri zilbalǵamen soǵyp jatyr».
«Atalǵan fakti boıynsha Jylqybaevtyń sheshimi zańsyz dep tabylǵan sot sheshimi bar», - delingen respýblıkalyq palatanyń habarlamasynda.
Sonymen birge, palata basqarmasy Jylqybaevtyń áreketin qısynsyz dóreki, qatal jáne negizsiz jáne qoǵamnyń barlyq ınstıtýtqa degen senimine selkeý túsirdi dep esepteıdi.
Odan bólek, Jylqybaevtyń qyzmetinde birneshe ret Respýblıkalyq palata Jarǵysynyń, jeke sot oryndaýshylardyń kásibı Ar-ujdan kodeksiniń, QR zańnamasynyń normalary buzylǵan.
Palata basqarmasynyń sheshimimen 11 sáýirden bastap ol Respýblıkalyq jeke sot oryndaýshylar palatasynan shyǵaryldy.
