15:32, 26 Qańtar 2024 | GMT +6
Balet ártisi «Odısseıa-Arts» art-olımpıadasynan júldemen oraldy
ASTANA. KAZINFORM – «Astana Opera» teatrynyń balet ártisi Qýat Káribaev «Odısseıa-Arts» Halyqaralyq kópjanrly art-olımpıadanyń «Horeografııa» nomınatsııasynda I dárejeli laýreaty atandy - dep habarlady QR Mádenıet jáne aqparat mınıstrliginiń baspasóz qyzmeti.
Art-olımpıadaǵa otbasylyq folklorlyq ujymdar men túrli jastaǵy naqty oryndaýshylar qatysty. Olar uzaqtyǵy 5 mınýttan aspaıtyn, al «Teatr óneri» nomınatsııasynda uzaqtyǵy 10 mınýttan aspaıtyn bir-bir nómirden usyndy.
«Art-olımpıadanyń uıymdastyrýshysy Kreml saraıy sahnasyndaǵy gastrol aıasynda meniń B.Asafevtiń «Baqshasaraı burqaǵy» baletindegi óner kórsetýimdi kórip, baıqaýǵa qatysýǵa usynys bildirdi. Baıqaýǵa arnalǵan nómir A.Adannyń «Korsar» baletinen pa-de-deni daıyndadym. Eńbegimniń halyqaralyq deńgeıde baǵalanǵanyna qýandym, mundaı qurmet árbir ártisti shabyttandyrady», - dedi Qýat Káribaev.
