Baldyń qaýipti vırýstardy joıa alatyndyǵy anyqtaldy
ASTANA. QazAqparat - Shvetsııalyq zertteýshiler baldyń quramynda qaýipti indettermen kúreste antıbıotıkterge qaraǵanda tıimdirek 13 qyshqyl sút bakterııasy bar ekenin anyqtady. Bul týraly Medicinform habarlady.
Ǵalymdar baldy qaýipti organızmderine qarsy paıdalanyp, zertteý jasap kórdi. Bal quramyndaǵy qyshqyl sút bakterııalary qaýipti mıkrobtardy joıdy.
Sondaı-aq, mamandar birqatar jylqynyń jazylmaı qoıǵan jaralaryna bal jaǵyp kórdi. Nátıjesinde jylqylar jarasynan qulantaza aıyqty.
Sarapshylar baldyń quramyndaǵy bakterııalardyń mol bolýy onyń shıpalylyq qasıetin artyrady degen toqtamǵa keldi. "Antıbıotıkte ádette biri ǵana emdeýshi bakterııa bolady", - dedi zertteýshilerdiń biri Tobıas Olofsson.
