Balbyraýyn, Adaı, Saryarqa: Eki mıllıonǵa jýyq oqýshy bir mezette kúı tartty
ASTANA. KAZINFORM - Elimizdegi barlyq bilim berý uıymdarynda #Kúıkúmbiri respýblıkalyq chellendji ótti. Bir ýaqytta eki mıllıonǵa jýyq bala Qurmanǵazynyń «Balbyraýyn», «Adaı», «Saryarqa» kúılerin oryndady, dep habarlaıdy Oqý-aǵartý mınıstrliginiń baspasóz qyzmeti.
Astanadaǵy Raıymbek batyr atyndaǵy № 50 «Qazǵarysh» mektep-lıtseıi oqýshylarynyń qataryna Oqý-aǵartý mınıstri Ǵanı Beısembaev qosyldy.
Chellendj qatysýshylaryna arnaǵan sózinde vedomstvo basshysy sońǵy ýaqytta elimizde dombyrada oınaǵysy keletinderdiń sany edáýir artqanyn atap ótti.
«Kóneden kele jatqan bul ulttyq aspabymyz halqymyzdyń janyn, onyń dástúri men mádenıetin beıneleıdi. Ulttyń rýhyn kóterip, dańqyn asqaqtatqan dombyra bizdiń baǵa jetpes baılyǵymyz ben ulttyq sımvolymyzǵa aınaldy. Bizdiń oqýshylarymyz, olarmen birge balabaqshalardyń kishkentaı tárbıelenýshileri, kolledj stýdentteri ulttyq aspapta oınaýǵa qyzyǵýshylyq tanytatyny qýantady. Búginde elimizdiń ár óńirinde bir mezette kúıler men tanymal kompozıtorlardyń shyǵarmalary shyrqaldy. Olardyń týyndylary arqyly bizdiń mádenı qundylyqtarymyz urpaqtan-urpaqqa beriledi. Bizdiń óskeleń urpaq osy kıeli ónerdi ulyqtaýdy laıyqty túrde jalǵastyrady dep senemin», — dedi Ǵanı Beısembaev.
Chellendj sońynda mınıstr mekteptiń 300 oqýshysymen birge halyq kúıin oryndady.
Merekelik estafetaǵa eki mıllıonǵa jýyq qazaqstandyq bala qosyldy.
Chellendj sońynda mınıstr mekteptiń 300 oqýshysymen birge halyq kúıin oryndady.
Merekelik estafetaǵa eki mıllıonǵa jýyq qazaqstandyq bala qosyldy.
Eń kishkentaıy — Abaı oblysy, Semeı qalasyndaǵy «Baqyt» balabaqshasynyń tárbıelenýshileri.
Esterińizge sala keteıik, dombyrashylar chellendji — áz Naýryz qarsańynda uıymdastyrylatyn keń aýqymdy respýblıkalyq aktsııa.
Ol byltyr alǵash ret mınıstrliktiń bastamasymen ótkizilgen bolatyn. Tek sońǵy bir jyldyń ózinde elimizde dombyra úıirmeleriniń sany 5 ese artty.
Búgingi tańda barlyǵy 2 myń úıirme jumys isteıdi. Oǵan 100 myńnan astam jas dombyrashy qatysady.
