Balasynyń basyn jarǵan almatylyq taǵy 1 aı qamaýda otyratyn boldy
ALMATY. QazAqparat - Almatyda balasynyń basyn jarǵan ákeni qamaýda ustaý merzimi taǵy 1 aıǵa uzartyldy. Endi kúdikti ýaqytsha oqshaýlaý ornynda 1 qarashaǵa deıin otyratyn boldy, dep habarlaıdy QazAqparat tilshisi.
Bul týraly qalalyq sottyń baspasóz hatshysy Dıas Mahambetov habarlady.
«Sot kúdikti Murat Asqaroglyn QR QK 106-baby boıynsha bultartpaý sharasy retinde qamaý merzimin taǵy bir aıǵa sozý týraly sheshim shyǵardy», - dedi D.Mahambetov.
Eske sala keteıik, qaıǵyly oqıǵa 16 shilde kúni Odesskaıa men Brıanskaıa kóshesinde bolǵan edi. Turǵyndar aǵash túbinen es-tússiz jatqan 4 jasar balany taýyp aldy. Ol shuǵyl aýrýhanaǵa jetkizilip, ota jasaldy. Almaty polıtsııasy kúdikti retinde balanyń ákesin ustaǵan bolatyn. Balanyń ákesi Murat Asqarogly óziniń kinásin moıyndap, qazaqstandyqtardan keshirim surady. Er adam mastyqtan eseńgirep turǵanda balasnyń qyńqyl-syńqylyn kótere almaı taspen samaıynan bir-aq urǵan.
