Balasyna alıment tólemeı qashyp júrgen shetel azamaty Ekibastuzdan tabyldy
EKІBASTUZ. QazAqparat - Ekibastuz polıtseıleri mas bolyp VAZ 21124 avtokóligin aıdap kele jatqan 43 jastaǵy er adamdy ustady. Onyń mas ekenin medıtsınalyq kýálandyrý qorytyndysy rastady, dep habarlaıdy QazAqparat.
Tekserý kezinde Belarýs azamatynyń júrgizýshi kýáligi joq ekeni belgili boldy.
Sonymen qatar ol kámeletke tolmaǵan ulyna alıment tólemegeni úshin Belarýs Respýblıkasy Qylmystyq kodeksiniń 174-babynyń 3-bóligi boıynsha qylmystyq is aıasynda memleketaralyq izdeýde bolǵan.
Atalǵan fakti boıynsha quqyqtyq tártip saqshylary Ákimshilik quqyq buzý kodeksiniń 608-baby boıynsha ákimshilik hattama toltyryp, sheshim qabyldaý úshin sotqa joldady.
Sot ony kináli dep tanyp, 20 táýlikke qamaýǵa aldy.
Ekibastuz qalalyq soty Belarýs azamatyn Qazaqstan aýmaǵynan shyǵaryp jiberý týraly ótinishti qanaǵattandyrdy.
- 7 tamyzda Ekibastuz polıtseıleri atalǵan azamatty «Nur-Sultan – Mınsk» áýe reısimen elden shyǵaryp jiberdi, - dep atap ótti Ekibastuz qalasy PB bastyǵynyń mindetin atqarýshy Tólegen Qudaıbergenov.
