Balasyna alıment tólemeı qashyp júrgen 36 jastaǵy áıel Reseıden tabyldy
«Bıyl balalaryna alıment tólemeı izdeýde júrgen 66 azamattyń qaıda júrgenin taptyq, - deıdi Pavlodar oblysy ІІD kóshi-qon qyzmetiniń basshysy Arman Ýálıev. – «Avtopotok» jáne «Integra» avtomattandyrylǵan júıelerine boryshkerlerdiń kóligi týraly málimetter engiziledi. Qazaqstannan shyǵyp ketken izdeýde júrgen 20 adamǵa qatysty olardyń ornalasqan jeri boıynsha memleketterdiń ishki ister organdaryna hattar joldandy».
«Boryshkerler men alıment tólemeıtinderdi izdeý – kóshi-qon qyzmetiniń mańyzdy baǵyttarynyń biri. Polıtsııa departamenti men jergilikti atqarýshy organdar bul salaǵa erekshe kóńil bólýde», - deıdi PD.
Máselen, kópten beri alıment tólemeı qashyp júrgen 36 jastaǵy áıel Reseıdiń Vladımır oblysynan tabylǵan. Al 2014 jyldan beri izdeýde bolǵan 35 jastaǵy taǵy bir boryshkerdiń Shyǵys Qazaqstannyń Shemonaıha qalasynda turyp jatqany belgili boldy.
Quqyq qorǵaý organdarynyń málimetinshe, jaýapkerdi izdeýdi bastaý úshin talapkerdiń turǵylyqty jeri boıynsha ishki ister organdarynda tirkelgen sot buıryǵy qajet.
Kóshi-qon qyzmeti alımenttiń ornyn bir aı ishinde taba almaǵan jaǵdaıda, talap qoıýshynyń ótinishi boıynsha tıisti qujat rásimdeledi, onyń negizinde áleýmettik qorǵaý organdary boryshkerdi izdestirý kezinde balalaryn kútip-baǵýǵa ýaqytsha járdemaqy tóleıdi.
