Balasyn jazǵy demalys lagerine jiberetin ata-analar neni bilýi tıis
«Jazǵy demalys jaqyndaǵan saıyn ata-analar balalaryna jazǵy saýyqtyrý lagerlerin izdeı bastaıdy. Qazirgi ýaqytta ınternet jelisinde lagerler týraly aqparat óte kóp. Bul rette qalanyń sanıtarııalyq dárigerleri balalaryna jazǵy demalysy úshin lager izdegen ata-analarǵa nazar aýdaratyn birneshe keńesti usynady», - delinedi qalalyq sanıtarııalyq-epıdemıologııalyq baqylaý departamentiniń habarlamasynda.
Sonymen, ata-analar lagerlerdiń qandaı basty talaptaryna mán bergeni durys.
Sanepıdem baqylaý departamentiniń málimetinshe, birinshiden, jazǵy saýyqtyrý qyzmetin uıymdastyratyn árbir zańdy jáne jeke tulǵalarda nysannyń sanıtarııalyq talaptarǵa sáıkestigi týraly qorytyndysy bolýy kerek. Bul sanıtarııalyq talaptar QR Densaýlyq saqtaý mınıstriniń m.a. 2022 jylǵy 10 tamyzdaǵy N78 buıryǵymen bekitilgen «Balalardyń saýyqtyrý jáne sanatorıı obektilerine qoıylatyn sanıtarııalyq-epıdemıologııalyq talaptar» sanıtarııalyq qaǵıdasyna sáıkes beriledi. Sanıtarııalyq-epıdemıologııalyq qorytyndyny nysannyń ornalasý aımaǵyna baılanysty, sol aımaqtyń Sanıtarııalyq-epıdemıologııalyq baqylaý basqarmalary usynady.
Ekinshiden, árbir ata-ana balasynyń densaýlyǵyna ózi jaýapty ekenin umytpaýy kerek. Sondyqtan balasyn jazǵy saýyqtyrý lagerine jiberer kezde, balasyna jeke gıgıenany saqtaýdyń qarapaıym erejeleri týraly profılaktıkalyq áńgime júrgizýi qajet, atap aıtqanda:
- Tamaqtanar aldynda jáne dárethanaǵa barǵan soń qoldy jýý;
- Kókónister men jemisterdi tutynar aldynda sýmen jaqsylap shaıý;
- Caýyqtyrý lagerleriniń aýmaǵynda ósetin jabaıy jemisterdi paıdalanýǵa tyıym salý;
- Basseınde shomylǵan soń, dýshta sabynmen jýyný.
- Basqa adamdardyń jeke gıgıena zattaryn (taraqtar, tis şetkalary jáne t.b.) jáne kıimderin paıdalanbaý;
- Týrıstik serýenge shyqqan kezde deneniń barlyq ashyq bólikterin jabý;
Sondaı-aq, eger ishek ınfektsııasynyń belgileri paıda bolǵan kezde, bala ózin álsiz sezinip, júrek aıný, qusý, dene temperatýrasynyń joǵarlaýy jáne t.b. belgilerin baıqasa, dereý medıtsınalyq kómekke júginýdi úıretýi qajet.
Úshinshiden, jazǵy saýyqtyrý mekemesine baratyn balanyń densaýlyq jaǵdaıy týraly qujaty (086/ý nysany), ınfektsııalyq aýrýlarmen baılanystyń bolmaýy týraly anyqtamasy (071/ý nysany) bolýy tıis.
«Árbir ata-ananyń mindeti – balasy úshin jaıly da qaýipsiz demalysty qamtamasyz etý bolyp tabylady», - dep habarlady vedomstvoda.
