Balasyn vaktsınalaýdan bas tartqan ata-ana ony densaýlyq quqyǵynan aıyrady - A.Tsoı

ASTANA. QazAqparat - Balasyn vaktsınalaýdan bas tartqan ata-ana ony densaýlyq quqyǵynan aıyrady. Bul týraly búgin QR Densaýlyq saqtaý jáne áleýmettik damý vıtse-mınıstri Alekseı Tsoı málim etti.

«Qazaqstanda vaktsına saldarynan týyndaǵan ólim-jitim, múgedektiktiń birde-bir jaǵdaıy tirkelmegenin atap aıtqym keledi. Sonymen qatar, ata-analar vaktsınalaýdan bas tartý nátıjesinde óz balalarynyń densaýlyq quqyǵynan aıyratynyn bilýi tıis», - dedi A.Tsoı.

Onyń alǵa tartqan derekterine sáıkes, sońǵy 20 jyl ishinde halyqty ımmýndaý nátıjesinde qyzylshamen syrqattaný 4000 eseden astam kórsetkishke, kókjótelmen - 6,8 esege, epıdemııalyq parotıtpen 181,6 esege, A vırýstyq gepatıtine shaldyǵý - 146 esege tómendegen.

«Egý kezeńine deıingi ýaqytpen salystyrǵanda balalar arasynda «V» vırýstyq gepatıtimen syrqattaný 482 esege azaıǵan. «A» vırýstyq gepatıti, sirespe aýrýlaryna shaldyǵý kórsetkishi tómen deńgeıde saqtalyp tur. Dıfterııa, polıomıelıt jaǵdaılary tirkelip jatqan joq»,- dedi ol.