Balasyn uryp taldyrǵan áke nege 5 jylǵa sottaldy - sýdıa túsinik berdi
ALMATY. QazAqparat - Almaty qalasy qylmystyq ister jónindegi mamandandyrylǵan aýdanaralyq sotynyń sýdıasy Erkin Maıshınov Murat Asqaroǵlyǵa qatysty sot úkimin túsindirip berdi, dep habarlaıdy QazAqparat tilshisi.
Murat Asqaroǵly QR QK 106-babynyń 2-bólimi 3-tarmaǵymen aıypty dep tanylyp, oǵan 5 jylǵa bas bostandyǵynan aıyrý týraly úkim shyqty.
«Alqa bıler men sot kópshilik daýyspen Murat Asqaroǵlyny bala densaýlyǵyna aýyr zııan keltirgeni úshin kináli dep tapty. Oǵan kisi óltirýge oqtaldy degen aıyp taǵylǵan bolatyn, alaıda alqa bıler men sot onyń is-áreketin odan góri jeńildeý qylmys dep tanyp, Murat Asqaroǵlyǵa kisi óltirýdi oılamastan, aýyr dene jaraqatyn keltirdi degen aıyp taqty», - dedi Erkin Maıshınov sot úkimin túsindirip.
Sot otyrysy alqa bılerdiń qatysýymen ótti.
Eske sala keteıik, qaıǵyly oqıǵa 16 shilde kúni Odesskaıa jáne Brıanskaıa kósheleriniń qıylysynda bolǵan. Turǵyndar tal túbinen 4,5 jasar balany taýyp alǵan. Bala shala-jansar kúıinde shuǵyl aýrýhanaǵa jetkizilip, ota jasaldy.
«Alqa bıler men sot kópshilik daýyspen Murat Asqaroǵlyny bala densaýlyǵyna aýyr zııan keltirgeni úshin kináli dep tapty. Oǵan kisi óltirýge oqtaldy degen aıyp taǵylǵan bolatyn, alaıda alqa bıler men sot onyń is-áreketin odan góri jeńildeý qylmys dep tanyp, Murat Asqaroǵlyǵa kisi óltirýdi oılamastan, aýyr dene jaraqatyn keltirdi degen aıyp taqty», - dedi Erkin Maıshınov sot úkimin túsindirip.
Sot otyrysy alqa bılerdiń qatysýymen ótti.
Eske sala keteıik, qaıǵyly oqıǵa 16 shilde kúni Odesskaıa jáne Brıanskaıa kósheleriniń qıylysynda bolǵan. Turǵyndar tal túbinen 4,5 jasar balany taýyp alǵan. Bala shala-jansar kúıinde shuǵyl aýrýhanaǵa jetkizilip, ota jasaldy.
Almaty polıtsııasy jantúrshigerlik oqıǵaǵa kúdikti retinde balanyń ákesin ustady. Murat Asqaroǵly óziniń kinásin moıyndap, qazaqstandyqtardan keshirim surady.
Er adam mastyqtan eseńgirep turǵanda balasynyń qyńqyl-syńqylyn kótere almaı, taspen samaıynan bir-aq urǵan.
Murat Asqaroǵly QR QK 99-baby 2-bólimi 3-tarmaǵymen («Dármensiz adamdy óltirýge oqtalǵany úshin») jáne QR QK 24-babynyń 3-bólimimen aıyptalýda.
Sýdıa bul isti toqtatyp, qaıta tergeýge jibergen bolatyn. Bıyl sáýirde is qaıta jalǵasty.
