Balasyn tastap Koreıaǵa jumysqa ketken qyzylordalyq áıelge sot úkimi shyqty
Málim bolǵanyndaı, Qyzylorda qalasyndaǵy shetki aımaqta turatyn bala buryn mektepke barmaǵan. Oqı da, jaza da almaıdy. Sóıleý qabileti de shektelgen. Ony alǵash jergilikti turǵyndar baıqaǵan. Balaǵa tamaq berip, birshama ýaqyt úılerinde ustaǵan. Onyń izdeıtin adamnyń joqtyǵy anyqtalyp, turǵyndar polıtsııaǵa habarlasqan.
Polıtsııa ony qamys ishinde oınap júrgen jerinen tapty. Mán-jaıdy anyqtaǵannan keıin ony kámeletke tolmaǵandardy beıimdeý ortalyǵyna ornalastyrdy.
Keıinnen belgili bolǵanyndaı, ony anasy tastap, Ońtústik Koreıaǵa jumys izdep ketken kórinedi. Ákesi byltyr qaıtys bolǵan. Bala áıeldiń burynǵy kúıeýiniń qaraýynda qalǵan. Psıhologııalyq, medıtsınalyq-pedagogıkalyq komıssııa balanyń damýy artta qalǵanyn anyqtaǵan.
Qyzylorda oblysynyń kámeletke tolmaǵandardyń isteri jónindegi mamandandyrylǵan aýdanaralyq soty balasyn tastap ketken áıelge qatysty úkim shyǵardy.
Sottyń baspasóz qyzmetiniń habaralýynsha, anasy kámeletke tolmaǵan balasyna qatysty ata-analyq quqyǵynan aıyryldy.
Jetkinshek Qyzylorda qalalyq bilim bóliminiń qamqorshylyq jáne qorǵanshylyq jónindegi mindetterdi júzege asyratyn organnyń qamqorlyǵyna berildi.