Balasyn taspen urǵan áke 2 aıǵa qamaldy
ALMATY. QazAqparat - Almatyda balasyn taspen urǵan áke Murat Asqarogly 2 aıǵa qamaldy, dep habarlaıdy QazAqparat tilshisi.
Bultartpaý sharasy týraly sanktsııany Almaty aýdanaralyq qylmystyq soty shyǵardy.
«Qylmystyq kodekstiń 106-baby boıynsha ustalǵan Murat Asqaroglyn sot QR QK bultartpaý sharasy retinde 2 aıǵa qamaýǵa alý týraly sheshim shyǵardy», - dedi baspasóz qyzmetinen.
Eske sala keteıik, qaıǵyly oqıǵa 16-shilde kúni Odesskaıa men Brıanskaıa kóshesiniń qıylysynda oryn alǵan bolatyn. Turǵyndar tal túbinen 4 jasar balany taýyp alǵan. Bala shala jansar kúıinde shuǵyl aýrýhanaǵa jetkizilip, ota jasaldy.
Almaty polıtsııasy jantúrshigerlik oqıǵaǵa kúdikti retinde balanyń ákesin ustaǵan bolatyn.
Balanyń ákesi Murat Asqarogly óziniń kinásin moıyndap, qazaqstandyqtardan keshirim surady. Er adam mastyqtan eseńgirep turǵanda balasnyń qyńqyl-syńqylyn kótere almaı, taspen samaıynan bir-aq urǵan.
