Balasyn kólikte umyt qaldyrǵan ákege qasaqana kisi óltirdi degen aıyp taǵyldy
ASTANA. QazAqparat - AQSh-ta sot 30 gradýs ystyqta jabyq kólikke balasyn qaldyryp ketken amerıkalyq Djastın Ross Harrısti aıyptady, dep habarlady VVS.
Bala jeti saǵat boıy kólikte jalǵyz bolǵan. Birneshe ýaqyttan keıin búldirshin aǵzasynyń qyzǵanynan kóz jumdy.
Ross Harrıske 22 aılyq ulyn qasaqana óltirdi degen aıyp taǵylýda. Alaıda Harrıstiń qorǵaýshysy muny qaıǵyly jaǵdaıǵa balaýda. Advokattyń aıtýynsha, Harrıs balanyń kólikte ekenin umytyp ketken. Ol balany bóbekjaıǵa aparýy tıis bolatyn, alaıda ol ulynyń artqy oryndyqta otyrǵanyn esinen shyǵaryp, jumysyna ketken.
