Balasymen úıde otyrýǵa májbúr ata-analarǵa aqy tólenetin eńbek demalysy qalaı beriledi
«Prezıdent jumys berýshilermen bul máseleni birlese júrgizýdi tapsyrǵan edi. Qazirgi ýaqytta bizdiń mınıstrlik oblys ákimdikterine keńesterdi joldady. Tıisinshe qazir jumys berýshilermen túsindirý jumysyn júrgizý kerek. Biraq qazirgi qoldanystaǵy kodeks boıynsha aqy tólenetin eńbek demalysy kestege sáıkes nemese taraptardyń kelisimi boıynsha kez kelgen ýaqytta beriledi. Eńbek zańnamasy buǵan qarsy emes», - dedi Erbol Nurǵalıev.
Eske sala ketsek, Aqordada keshe Memleket basshysy Qasym-Jomart Toqaevtyń qatysýymen jedel áreket etý shtabynyń otyrysy ótkizilgen bolatyn. Otyrys barysynda Prezıdent balasymen úıde otyrýǵa májbúr ata-analardy aqy tólenetin eńbek demalysyna jiberýdi tapsyryp, jumys berýshilermen osy tapsyrmany iske asyrý sheńberinde jumys júrgizýdi júktegen bolatyn.
