Balasy nashar baǵa alǵan ata-anaǵa aıyppul salyna ma

ASTANA. QazAqparat - Instagram-daǵy Qaraǵandy jańalyqtary pablıginde balalary mektepte nashar oqıtyn ata-analarǵa aıyppul salýdy kózdeıtin «jańa zań jobasy» talqylanyp jatyr. Oblystyq Bilim basqarmasy bul aqparatqa qatysty túsinik berdi, dep habarlaıdy QazAqparat Stopfake saıtyna silteme jasap.

Anyqtalǵandaı, alańdaýǵa negiz joq. Elimizde «eki» alǵan balalary úshin aıyppul salý josparlanyp jatqan joq.

«Qoldanystaǵy zańnamada balalardyń qanaǵattanarlyqsyz baǵalary úshin ata-analardyń jaýapkershiligi qarastyrylmaǵan. Osyndaı jańashyldyqtar engizilgen normatıvtik-quqyqtyq aktilerdiń jobalary talqylaýǵa shyǵarylǵan joq. Qandaı da bir bilim berý reformalaryn engizý týraly naqty málimetter alý úshin resmı aqparat kózderin paıdalanýdy usynamyz», – dep habarlady Qaraǵandy oblysynyń bilim basqarmasynan.