Balasy kóp áıelderge jumys tabý qıyn bolsa, erkekterde kerisinshe ońaı kórinedi - Eýrostat
BRıÝSSELЬ. 5 naýryz. QazAqparat /Dımash Syzdyqov/ - Halyqaralyq áıelder kúni qarsańynda Eýrostat agenttigi Eýroodaqtaǵy erler men áıelder arasyndaǵy genderlik aıyrmashylyqtar boıynsha málimetter jarııalap otyr.
QazAqparat eýropalyq statıstıka salasyndaǵy eń qyzyqty faktilerdi nazarlaryńyzǵa usynady.
Eýrostattyń málimeti boıynsha, Eýroodaqtyń 500 mıllıon halqynyń ishinde erli zaıyptylardyń 25 paıyzynda bala joq bolsa, al taǵy 22 paıyzynda bir jáne odan kóp bala bar eken. Al 17 paıyzy - jalǵyzbasty áıelder, 13 paıyzy balasy joq er azamattar kórinedi. Onyń ishinde, jalǵyzbasty áıelderdiń 4 paıyzynda, er azamattardyń 0,5 paıyzynda - balalary bar. Qalǵan 19 paıyzyn basqa varıatsııalar, onyń ishinde birjynysty nekeler quraıdy eken.
Taǵy bir statıstıkaǵa júginsek, otbasynda bala kóp bolǵan saıyn, áıelderdiń jumyspen qamtylý deńgeıi tómen bolyp shyqty. Atap aıtqanda, bala sany kóbeıgen saıyn, 25-54 jastyń aralyǵyndaǵy áıelderdiń arasyndaǵy jumyspen qamtylý kórsetkishi azaısa, er azamattarda bul kórsetkish kerisinshe joǵary bolyp shyqty.
Balasy joq áıelderdiń jumyspen qamtylý kórsetkishi 75,8 paıyzdy qurasa, bir balasy bar qyz-kelinshekterdiń 71,3 paıyzy jumys isteıtin bolsa, eki balasy barlardyń úlesi - 69,2 paıyzdy, úsh jáne odan kóp jumys isteıtin áıelderdiń úlesi 54,7 paıyzdy quraǵan.
Bul jas tobyndaǵy balasy joq erkekterdiń jumyspen qamtylý deńgeıi 80,3 paıyzdy qurasa, bir balasy bar er azamattardyń 87,4 paıyzy jumysty tez taba alady eken. Eki balasy bar er azamattardyń jumyspen qamtylý kórsetkishi - 90,6 paıyz, úsh jáne odan kóp balasy bar azamattardyń úlesi 85,4 paıyz bolyp shyqqan. ıAǵnı, otbasynda balasy kóp er azamattardyń demalýǵa ýaqyttary joq.
