Balasyna 3,5 mln teńge alıment tólemeı júrgen ákeniń shotynan 6 mln teńge tabyldy

ASTANA. KAZINFORM — Elorda prokýratýrasy elektrondy ámııanynda 300 mln teńgeden asatyn aqshasy bar 170 boryshkerdi anyqtady.

Osylaısha, bir ǵana boryshker alıment boıynsha 3,5 mln teńge qaryzy bola tura, óz ámııanyn 6 mln teńgege toltyrǵan.

Alıment óndirýdiń osy jáne basqa da túıtkildi máseleleri qala prokýratýrasynyń alańynda ýákiletti organdar men jeke sot oryndaýshylardyń óńirlik palatasynyń qatysýymen ótken alqa májilisinde talqylandy.

Qadaǵalaý aktisi boıynsha ýákiletti organ jasyryn kiristerdi balalardyń paıdasyna óndirý boıynsha shara qabyldap jatyr.

Búgingi tańda boryshkerler 20 mln teńge qaryzyn ótep úlgerdi.