Balasy ustazǵa dórekilik tanytqan ata-anany jazalaý kerek pe – Oqý-aǵartý mınıstrliginiń ustanymy

ASTANA. KAZINFORM – Oqý-aǵartý mınıstrligi balasy ustazdarǵa dórekilik tanytatyn ata-analardy jazalaý máselesine qatysty ustanymyn bildirdi.

Ortalyq kommýnıkatsııalar qyzmetindegi brıfıng barysynda tilshiler mınıstrlik ókilderinen: «Qazirgi ýaqytta kóptegen oqýshy ustazdaryna dóreki qylyq tanytyp, olardy muqatyp, kórgensizdik tanytyp jatady. Osy máselede, pedagogtardyń quqyqtaryn qorǵaýda mınıstrlik ustanymy qandaı? Sizderdiń oılaryńyzsha, mundaı oqýshylardyń ata-analaryn jazalaý qajet pe?», - dep suraǵan edi. 

Saýalǵa jaýap bergen Oqý-aǵartý mınıstrliginiń Bilim salasyndaǵy sapany qamtamasyz etý komıteti tóraǵasynyń orynbasary Maıra Meldebekova elimizde «Pedagog mártebesi týraly» zań sońǵy 5 jylda kúshinde ekenin atap ótti. 

- Bul zań eń aldymen muǵalimderdiń quqyqtaryn qorǵaýǵa baǵyttalǵan. Eger ata-analardyń ne oqýshylardyń tarapynan janjaldy jaǵdaı týyndasa, onda pedagog quqyǵy mindettit túrde qorǵalýy tıis. bári de naqty jaǵdaıǵa baılanysty. Túrli jaıttar bolady ári onyń árqaısysy pedagogıkalyq ádep jónindegi keńeste, ata-analar jınalysynda, sondaı-aq jurtshylyq qatysatyn kezdesýlerde jeke-jeke qaralady. Eger oqýshynyń nemese ata-ananyń áreketi ákimshilik quqyq buzýshylyqqa jatsa, onda zańda ata-analarǵa aıyppuldy qosa alǵanda ákimshilik jaýapkershilik kózdelgen, - dedi ol.

Buǵan deıin orta bilim berý júıesinde kadr tapshylyǵy tolyq joıylǵanyn jazǵan edik.