«Balapan» telearnasyna - 2 jyl!
ASTANA. 18 qazan. QazAqparat - «Balapan» telearnasy 2012 jyldyń 20 qazanynda «Baqytty balapan» atty 2 jyldyq merekelik sharasyn atap ótedi.
Bul týraly «Qazaqstan» telearnasynyń strategııalyq marketıng departamentinen habarlady.
Kontserttik baǵdarlamada tanymal júrgizýshiler, súıikti keıipkerler, daryndy balalardyń qatysýymen «Balapan» telearnasynyń jańa maýsymy tanystyrylady.
«Qazaqstan» RTRK AQ-nyń quramyndaǵy «Balapan» telearnasy 2010 jyldyń 27-shi qyrkúıeginde ashyldy. 3-12 jas aralyǵyna arnalǵan telearna alǵashynda 12 saǵat habar taratty. Búginde 17 saǵat boıy kabeldik, spýtnıktik júıemen efırge shyǵýda. Telearna kishkentaı kórermenderine oqý-tanymdyq, sporttyq, ıntellektýaldyq oıyndar men mýzykalyq shoýlar, otbasylyq habarlar, anımatsııalyq mýltfılmder, balalarǵa arnalǵan telehıkaıalardy usynýda.
«Balapan» qazaq balasynyń sanasyna ana tiliniń qadir-qasıetin sińirip, ulttyq qundylyqtardy nasıhattaýdy maqsat tutady.
Zııaly qaýym ókilderi men tanymal tulǵalar, óner juldyzdary keshtiń qadirli qonaǵy bolady.
