«Balapan» kishkentaı kórermenderge qonaqqa barady
ASTANA. QazAqparat - «Balapan» arnasynda kishkentaı balalarǵa arnalǵan «Balapan qonaqqa barady» sharasy jýyrda óz jalǵasyn tapty.
«Balapan» arnasynyń redaktsııasyna eldiń barlyq aımaqtarynda turatyn kishkentaı kórermenderden san-alýan hattar kelip tústi. Kishkentaı kórermenderdiń jibergen hattary, sonyń ishinde ózderiniń sýretterin, shyǵarmalary arqyly toqtamastan telearnaǵa degen jyly lebizderin bildirýde.
Osy ýaqytqa deıin arnanyń túsirilim toby Astana, Almaty, Qostanaı, Kókshetaý jáne Pavlodar qalalarynda turatyn kishkentaı kórermenderine qonaqqa baryp ta úlgerdi. Sol ýaqytta «Balapan» arnasynyń shyǵarmashylyq toby kóńilderi qýanyshqa toly balalarǵa kýá boldy. Olar súıikti arnasymen kezdesýdi jaı ǵana kútip otyrmaı, arnaıy daıyndalǵan tosyn syılarmen arna ujymyn qýantyp ta úlgerdi.
Árbir kishkentaı búldirshinderdiń barlyq elge óziniń bı bıleý, án aıtý, qyzyqty áńgimeler aıtý, sýret salý sııaqty ónerimen tanymal bolýǵa múmkindigi týdy
Atalmysh sharaǵa qatysý úshin 10 aqpanǵa deıin «Balapan» arnasynyń redaktsııasyna hat joldaý qajet. Sol arqyly telearnanyń ujymy eń qyzyqty degen hatty tańdap, sizderge qonaqqa jol tartady, dep habarlaıdy «Qazaqstan» RTRK» AQ baspasóz qyzmeti.
Hattaryńyzdy Astana qalasy, Qonaev k-si, 4, «Qazmedıa» ortalyǵy «Balapan» arnasynyń redaktsııasyna nemese balapantv@kaztrk.kz elektrondy poshtaǵa joldaı alasyzdar.
