«Balapan» baǵdarlamasy balalardy balabaqshaǵa ornalastyrýǵa kómektesedi
ASTANA. QazAqparat - Balańyzdy balabaqshaǵa ornalastyrý kerek, biraq áli kezek kelmese, ata-analardyń «Balapan» baǵdarlamasy arqyly balany balabaqshaǵa ornalastyrýyna bolady. Osylaısha, bala qaladaǵy jeke menshik balabaqshalardyń birine bara alady.
Al, onyń aqysyn ata-ana men memleket birlese tóleıdi. ıAǵnı, memleket balanyń mektepke deıingi tárbıesi men oqýy úshin, al, ata-ana tamaqtanýǵa ketetin shyǵyndy, qalaýynsha balabaqsha tarapynan kórsetiletin basqa da qyzmet túrlerine tóleıdi. Bul týraly astana.kz saıtyna Astana qalasynyń Bilim basqarmasynan habarlady.
Mekeme ákimshiligi usynatyn qosymsha qyzmetterge keńinen toqtalaıyq.
Ata-analardyń olardan bas tartýyna bolady. Alaıda, jeke menshik balabaqshaǵa baratyn balalarǵa qoıylatyn talap úlgileri men memlekettik balabaqshaǵa qatynaıtyn balalarǵa qoıylatyn talaptardyń úlgileri birdeı.
Bos oryndar týraly málimetti Astana qalasy Bilim basqarmasynyń www.astana-bilim.kz saıtynan bile alasyzdar. Bos oryn bolsa, joldamany alyp ketý úshin Qartaly kóshesinde ornalasqan № 61 mektepke kelý qajet.
Qabyldaý kúnderi: ár aıdyń ekinshi jáne tórtinshi seısenbisi.
Aıta ketý kerek, búginde astananyń mektepke deıingi bilim berý júıesinde 171 mekeme jumys isteıdi. Onyń ishinde 78 memlekettik, 66 jeke menshik jáne 2 vedomstvolyq balabaqsha, 25 shaǵyn ortalyq bar.
