"Balapan" baǵdarlamasy alǵashqy jarty jyldyqtan bastap júzege asyryla bastaıdy - QR Bilim jáne ǵylym mınıstri
ALMATY. Aqpannyń 11-i. QazAqparat /Erlik Erjanuly/ - 2009 jyly bilim berý bıýdjeti aldyńǵy jylmen salystyrǵanda 9,5 paıyzǵa ósip, ustazdar jalaqysy 25 paıyzǵa artty. Bul búgin Almatyda ótip jatqan "Jańa aqparattyq-kommýnıkatsııalyq ortada qazirgi zaman oqýlyǵyn daıyndaýdyń jáne oqý kitabyn basyp shyǵarýdyń ózekti máseleleri" dep atalatyn halyqaralyq ǵylymı-tájirıbelik konferentsııada aıtyldy,
dep habarlaıdy QazAqparat.
"Básekege qabilettiliktiń ǵalamdyq ındeksiniń reıtıngindegi Qazaqstannyń ustanymy bilim berýdiń 7 ındıkatory boıynsha ulǵaıdy. Sonyń bireýi balalardy mektepke deıingi oqýmen jáne tárbıemen qamtý kórsetkishi. Elbasy Qazaqstan halqyna arnaǵan bıylǵy Joldaýynda eldi damytýdyń taıaý jyldardaǵy basym baǵyttarynyń biri retinde mektepke deıingi mekemeler jelisin keńeıtý dep atap ótken bolatyn. Byltyr olardyń sany 1209-ǵa ulǵaıyp, onda 39 myń bala qamtyldy. Ótken jyly sońǵy 2 aıda ǵana balalardy mektepke deıingi bilimmen qamtý 37-den 38,7 paıyzǵa ulǵaıdy. Bıyl ol 43,3 paıyzǵa, al mektepke deıingi tárbıemen qamtý 88 paıyzǵa jetpek», deıdi bilim jáne ǵylym mınıstri Janseıit Túımebaev. Elbasy Joldaýda mektep jasyna deıingi oqytýmen jáne tárbıemen qamtamysyz etýdi arttyrýǵa baǵyttalǵan «Balapan» arnaıy baǵdarlamasyn ázirlep, iske asyrýdy tapsyrǵan bolatyn. Mınıstrdiń aıtýynsha, qazirgi tańda daıyndalyp jatqan bul baǵdarlama alǵash ret bıylǵy jartyjyldyqtan bastap júzege asyrylmaq.
