«Balapan» arnasy jańa telebaǵdarlamalaryn tanystyrdy
NUR-SULTAN. QazAqparat- «Balapan» telearnasy kúzgi jańa maýsymda kórermenderine 11 anımatsııalyq joba, 5 baǵdarlama jáne 4 teleserıal usynady, dep habarlaıdy QazAqparat tilshisi.
Bul týraly Qazmedıa ortalyǵynda «Qazaqstan» teleradıokompanııasynyń jańa maýsym tanystyrylymynda aıtyldy.
Atap aıtqanda, balalardy áskerı-patrıottyq baǵytta tárbıeleıtin «Otanǵa qyzmet etemin!» tuńǵysh áskerı realıtı-shoýy, elimizde tirshilik etetin ań-qustarmen tanysýǵa múmkindik beretin «Jan-janýarlar álemi» baǵdarlamasy, salaýatty ómir saltyn nasıhattaıtyn otbasylyq «Tolaǵaı» sporttyq saıysy, balalarǵa paıdaly laıfhaktar usynatyn «5 mınýt» jobasy jáne eń kishkentaı kórermenderge arnalǵan «Táı-táı shoýdyń» ekinshi maýsymy efırge shyǵady.
Sonymen birge, «Aýyl juldyzdary» men «Dostar» teleserıaldary da óz kórermenderine jol tartady. Olardyń biri qyzyqqa toly aýyl ómirin sýrettese, biri - adal dostyqty dáripteıdi. Arna kórermenderi súıip tamashalaıtyn, ázil-qaljyńǵa toly sıtkomdar - «Synyq synyp» pen «Nemene» de maýsym jańalyǵy bolmaq.
«Balapan» birneshe anımatsııalyq jobalarmen de qýantýǵa ázir. Olardyń qatarynda álemge tanymal jazýshylardyń ertegilerin anımatsııa tilinde sóıletetin «Ǵajaıyp álem», shytyrman oqıǵaǵa toly «Kúlki izdegen Kúnekeı», atty alǵash erttep mingen ata-babalarymyz jaıly ańyzdy negiz etken «Pyraqtar», jaqsylyq jasap jarysýdy kózdegen «Qyzyl men Kúlgin» jobalary bar. Balalardyń kógildir ekrandaǵy dostaryna aınalyp úlgergen tól sýperqaharmandar da óz kórermenderimen qaıta qaýyshady. «Aıdar», «Dala oıyndary», «Ertemir» mýlthıkaıalarynyń ІІІ maýsymy bastalady«, - delingen habarlamada.
Sonymen qatar, telearnanyń «0+» kórermen aýdıtorııasyna arnalǵan «Sábı», «Tynymsyz shójeler», «Oqıǵa» jáne «Aǵash at» anımatsııalyq jobalary kórsetiledi.
