«Balapan» 2 jasyn atap ótti
ASTANA. 20 qazan. QazAqparat - Búgin Astanadaǵy «Qazmedıa» ortalyǵynda «Balapan» telearnasynyń 2 jasqa tolýyna arnalǵan saltanatty shara bolyp ótti. Oǵan balalaryn ertip kelgen Astana turǵyndary kóptep jınaldy.
Merekelik sharanyń ashylý saltanatynda sóz sóılegen «Qazaqstan» RTRQ AQ tóraıymy Nurjan Muhamedjanova kishkentaı kórermenderdi merekemen quttyqtady.
«Eki jyl buryn Elbasymyz Nursultan Ábishuly Nazarbaevtyń qoldaýymen, balalarymyzǵa bazarlyq retinde ashylǵan telerna týǵan kúnin sizdermen birge atap ótip jatqanyna qýanyshtymyn. Bul bizdiń elimizdegi balalarǵa arnalǵan birden-bir telearna. Jańa maýsym tyń jańalyqtarmen bastaldy. Ol telearnanyń Qazmedıa ortalyǵynda sandyq júıede habar tarata bastaǵany. Ol sondaı aq, «Balapan» arnasy otyzdan astam jańa baǵdarlamalarmen tolyǵýy. «Balapan» arnasy sizder sııaqty kórermendermen kórkeıedi», - dedi ol.
Kontsertte elimizdiń ónerpaz búldirshinderimen qatar, estrada juldyzdary ánnen shashý shashyp, kórermenderdi qýanyshqa bóledi.
