Balańyzdyń qaıda júrgenin bilip otyrasyz: ShQO-da mobıldi qosymsha jasaldy
Esterińizge sala ketsek, osyǵan deıin ShQO-da «102» mobıldi qosymshasy iske qosylǵandyǵyn habarlaǵan bolatynbyz. Osy arqyly óńir turǵyndary qandaı da bir quqyq buzýshylyq týraly óz aryzdary men habarlamalaryn qas-qaǵym sátte smartfon arqyly joldaı alady.
«Qosymsha arqyly polıtsııa qyzmetkerleri azamattyń turǵan jerin anyqtap, jyldam áreket etedi. Budan bólek, tsıfrlandyrý aıasynda balalar qaýipsizdigi boıynsha «Meni tap» júıesi iske qosyldy. Atalǵan mobıldi qosymsha balalardyń kıimine japsyrylatyn trekerlerdiń kómegimen olardyń qaıda júrgenderin qadaǵalaýǵa múmkindik beredi», - dedi ShQO PD bastyǵy Saǵat Mádıev.
Onyń aıtýynsha, jergilikti polıtsııa qyzmetin reformalaý jumystary jalǵasýda. Halyqpen tyǵyz qarym-qatynas ornatýdyń standarttary men saqshylardyń jumys algorıtmi qaıta qarastyrylyp jatyr.