Balanyń týý týraly kýáligin birden perzenthanada alýǵa bolady
ASTANA. 20 qarasha. QazAqparat - Astana qalasyndaǵy úsh jáne Almaty qalasyndaǵy eki perınataldyq ortalyqta Qazaqstan Respýblıkasynyń elektrondyq úkimet buryshtary pılotti rejımdegi jumysyn bastady. Bul týraly QR Kólik jáne kommýnıkatsııa mınıstrliginiń baspasóz qyzmetinen habarlady.
Qazirgi kezde olar halyqqa elektrondyq tsıfrlyq qoltańbany (ETsQ) berý, bala týýyn tirkeý, balabaqshaǵa kezekke qoıý qyzmetterin kórsetip jatyr.
«Elektrondyq úkimet buryshtaryn perzenthanalarda ornyqtyrýdyń basty artyqshylyǵy - náresteni perzenthanadan shyǵarǵan kezde ol Qazaqstan Respýblıkasynyń azamaty bolyp tirkeledi jáne balabaqshaǵa kezekke turǵyzylady. Sondyqtan da analarǵa memlekettik organdarǵa barýdyń qajeti joq», - dep, Memlekettik qyzmetterdi avtomattandyrýdy baqylaý jáne halyqqa qyzmet kórsetý ortalyqtarynyń qyzmetin úılestirý komıtetiniń tóraǵasy Baǵdan Mýsın belgiledi.
Astanada elektrondyq úkimet buryshtary №1, №2 perınataldyq ortalyqtarynda jáne qalalyq perzenthanada, al Almatyda «№3 perzenthananyń perınataldyq ortalyǵy» MKK jáne №1 perzenthanada jumys isteıdi.
