Balanyń kóz aldynda anasynyń basy lıftte kesilip qaldy
ASTANA. QazAqparat - Máskeýde 20 jastaǵy áıeldiń basy lıftte onyń 2 jasar balasynyń kózinshe kesilip qaldy, dep jazady tsn.ua.
Olar sol kezde serýendep qaıtyp kele jatqan. The Independent habarlaǵandaı, 20 jastaǵy Olga Talınına uly Maksımmen lıftke kirgende, esik oılamaǵan jerden jabylyp, onyń aıaǵy qysylyp qalǵan. Ol ulyn qaýipsiz jerge ıterip jibergen, alaıda óziniń basy esiktiń syrtynda qalyp qoıypty. Lıfttiń esigi ashylmaǵan, al kabınanyń ózi joǵaryǵa kóterile jónelgen. Lıft joǵaryǵa kóterilip, tóbege jetkende Olganyń basy ulynyń kóz aldynda qıylyp túsken. «Meniń túsinbeıtinim, eger ol esiktiń arasynda keptetilip qalsa, nelikten lıft júrip ketken. Bolǵan jaǵdaıǵa áli de sene alar emespin», - deıdi qaza bolǵan áıeldiń anasy.
