Balanyń basynan kúrekpen urǵan shymkenttik turǵyndy polıtsııa izdestirýde
ShYMKENT. QazAqparat - Shymkentte balanyń basynan kúrekpen urǵan qatygez turǵyn izdestirilip jatyr. Beınejazba WhatsApp áleýmettik jelisine tarap ketti, dep habarlaıdy QazAqparat HAA tilshisi.
Jergilikti telearnalardyń biri oqıǵa Shymkent qalasyna qarasty 11-shi móltekaýdanynda túsirilgen degen boljam jasaýda. Bul týraly vıdeony arnaǵa joldaǵan oqıǵanyń kýási jazyp jibergen. Beınejazbada er azamat 4-5 jas shamasyndaǵy balany bir-biriniń ústine qalanyp ornatylǵan kólik dóńgelekteriniń ishine turǵyzyp qoıyp, basynan kúrekpen uryp jatqany túsirilgen. Al sharasyz bala qorǵanyp, basyn qolymen jabýǵa tyrysady. Al oqıǵanyń kýási bolyp turǵan áıel balaǵa kómektesýge qulyqsyzdyq tanytqan.
OQO ІІD baspasóz qyzmetinen habarlaǵandaı, qazir bul derek boıynsha Qylmystyq kodekstiń 110-babymen («Azaptaý») qylmystyq is qozǵaldy. Shymkent qalasyna qarasty Eńbekshi aýdandyq polıtsııa bóliminiń qyzmetkerleri tergeýge deıingi sharalar júrgizip, balany urǵan adamdy izdestirip jatyr. Onyń kim ekeni anyqtalǵan jaǵdaıda zań boıynsha jaýapqa tartylatyn bolady.
«Beınetúsirilimdi polıtsııa qyzmetkerleri qarap shyqty. Qazir tártip saqshylary balany uryp jatqan azamatty izdestirýde. Tekserý nátıjesi boıynsha tıisti shara qoldanylady. Ol jaıynda qosymsha habarlaıtyn bolamyz», - dedi OQO ІІD baspasóz qyzmetiniń jetekshisi Saltanat Qarakózova.
Vıdeo: Televıdenıe TVK
