Balany sýdan qutqarǵan qyzylordalyq oqýshyny mınıstr Qasymov marapattady
JAŃAQORǴAN. QazAqparat - Qyzylorda oblysy, Jańaqorǵan kentindegi №51 mekteptiń 11-synyp oqýshysy Serjan Ábdireıim qystygúni aýdan ortalyǵyndaǵy sýdan 10-jastaǵy balany qutqarǵany úshin elimizdiń Іshki ister mınıstrligi tarapynan marapatqa ıe boldy, dep habarlaıdy QazAqparat tilshisi.
«Atalmysh tótenshe oqıǵa ótken jyldyń jeltoqsan aıynda boldy. Serjannyń sabaqtan qaıtyp kele jatqan beti edi. Sol sátte ol ózin qutqarýǵa shaqyrǵan jas balanyń daýysyn estıdi. Dereý daýys shyqqan jaqqa bet alyp barsa, kóldegi muzdyń jarylý saldarynan kólge túsip ketken 10 jastaǵy balany kózi shaldy. Ózi shyǵarýǵa talpynǵan edi. Degenmen sýda turǵan balanyń kıimi malmańdaı bolǵandyqtan, ony tartyp shyǵarýǵa shamasy kelgen joq. Sol sátte qasynan ótip bara jatqan eki jigit te kómekke umtyldy. Tez arada arqan jetkizildi. Onymen de qutqarý múmkin bolǵan joq. Osyndaı qysyltaıań ýaqytta tez sheshim qabyldaǵan Serjan syrtqy kıimin sheship, sýda qalyp qoıǵan Muhamedti kóterip jaǵaǵa alyp shyqty. Odan keıin de kómegin kórsetip, balany aman alyp qalýǵa tyrysty», - dep habarlady Qyzylorda oblystyq ishki ister departamentiniń baspasóz qyzmetinen.
Eske salaıyq, keshe, 16 mamyr kúúni QR Іshki ister mınıstri Qalmuhanbet Qasymov ártúrli jaǵdaılarda adam ómirin ólim aýzynan arashalap qalǵan 20 balaǵa «Tótenshe jaǵdaıdaǵy erligi úshin» keýde belgisin tabystady.
Ádiljan Úmbet
