Balany qutqarǵan astanalyq polıtseıge mınıstrdiń alǵys haty men qol saǵat tabys etildi
ASTANA. QazAqparat - 12 jastaǵy balany qutqarǵan Astana qalasy ІІD Jedel qımyldaıtyn arnaıy jasaqtyń aǵa ınspektory polıtsııa kapıtany Ómirjan Temirbekov Pavlodarda ótken «Qazirgi zaman qaharmany» respýblıkalyq baıqaýyna qatysty, dep habarlaıdy elordalyq ІІD-niń baspasóz qyzmeti.
Atalmysh is-shara erlikpen qaza tapqan ishki ister organdarynyń qyzmetkeri polıtsııa kapıtany, «Halyq qaharmany» Ǵazız Baıtasovty eske alýdyń qurmetine ótkizildi. Sharaǵa beıbit zamanda ózderniniń qyzmettik mindetterin oryndaý kezinde erlik pen qaharmandyq tanytqan polıtseıler qatysty.
Eske salatyn bolsaq, oqıǵa 9 maýsym saǵat shamamen 12.30-da 187 kóshesi boıyndaǵy Sarybulaq ózeninde boldy. Jumysqa bet alǵan polıtseı ózen boıynda jıylyp turǵan balalardyń kómekke shaqyryp, ózen jaqqa qoldaryn siltep turǵanyn kórgen. Bir sátke ýaqyt sozbaı, birden sekirip túsip balany kóterip alyp shyqqan.
Polıtsııa kapıtanynyń aıtýynsha balanyń júzi kókpeńbek bolyp, tynys almaı jatqan. Alaıda onyń ómirin saqtap salýǵa barynsha tyrysqan Ómirjan alǵashqy medıtsınalyq kómekti kórsetýge kirisken. Balanyń keýdesine tikeleı massaj jasap, jasandy dem bergen. Ony kóterip alyp, denesin tizesine qoıyp, basyn tómenge qaratyp jutyp qoıǵan sýdy denesinen shyǵarǵan. Birneshe ret osylaı qaıtalaǵan soń, balanyń tynys ala bastaǵan. Jedel járdem shaqyryp, balany baqylaýynda ustaǵan.. Alǵashqy medıtsınalyq kómekti durys kórsetýdi atys-qyzmettik daıyndyq júıesinde úırengen daǵdylaryn is-júzinde qoldanǵan. Jedel járdem qyzmetkerleri kórsetken alǵashqy medıtsınalyq kómektiń durys jasalǵandyǵyn atady. Balanyń anasy Janar Aıtýreeva uly Batýhannyń ómirine arasha túsken qutqarýshyǵa alǵys aıtyp, qyzmetine tabystar tiledi.
Erlik tanytqan úshin QR Іshki ister mınıstri polıtsııa general-polkovnıgi Kalmuhambet Qasymovtyń atynan Ómirjan Temirbekovke gramota, quqyq qorǵaý organy músinshesi men qolsaǵat tabystaldy.
