Balany qudyqtan alyp shyqpaq bolǵan aýyl ákiminiń ózine kómek kerek boldy
QARAǴANDY. QazAqparat - Qaraǵandy oblysy Buqar jyraý aýdany, Kerneı kentiniń ákimi tereń qudyqqa qulap ketken balany qutqarýǵa kómektesti, dep habarlaıdy «QazAqparat» HAA tilshisi.
Tórt jasar bala meıramhanadaǵy toıǵa kelgen qonaqtardyń biri bolǵan. Aýyl ákimi Tólegen Іrgebaevtyń aıtýynsha, búldirshin eresekterdiń qaraýynsyz qalǵan. Ákim jumystan qaıtyp kele jatqanda balanyń aıǵaılap jylaǵan daýysyn estigen.
«Bala ashyq qudyqqa qulap ketken eken. Qudyq sonshalyqty tereń dep oılamappyn, tereńdigi bes metrdeı», - dedi kent ákimi Tólegen Іrgebaev.
Sheneýnik qudyqtyń qabyrǵasyna aıaǵyn tirep, tómen túsken. «Balany ózdigimmen joǵary kóterip shyǵa almady. Mańaıdan ótip bara jatqandardy kómekke shaqyra bastadym», - dedi ol.
Onyń aıǵaılaǵan daýysyn boıjetken qyz estip, kómekke er adamdardy shaqyrǵan. Sóıtip balany da, ákimdi de shyǵaryp alǵan.
Olarǵa medıtsınalyq kómektiń qajeti bolmady. Ashyq jatqan qudyqtyń ıesi kafeniń qojaıyny bolyp shyqty.
