Balany qatań baqylaý durys emes - The Guardian

NUR-SULTAN. QazAqparat - Bala jasóspirim kezeńge aıaq basqan sátte kóptegen ata-analar balalaryn baqylaı almaı qalady. The Guardianbasylymynyń jazýynsha, ondaı kezderi baqylaýdy kúsheıtýge tyryspaı, balaǵa senim bildirý kerek.

«Jasóspirim kezde bala men ata-ana arasyndaǵy qarym qatynas azaıady. Bala kóp ýaqytyn úıdegi úlkendermen emes, qatarlastarymen ótkize bastaıdy. Keı ata-ana balaǵa kimmen aralasý kerektigin aıtyp, qatarlastarynan alshaqtatyp, ózine jaqyndatýǵa tyrysady. Eger siz sondaı ata-ana qatarynan bolsańyz, toqtatyńyz!» dep jazady basylym.

Basylymnyń jazýynsha, osy taqyrypta izdenip, kóptegen kitap jazǵan avtorlar ata-analarǵa balany qınap ustaýdyń ornyna birge ýaqyt ókizip, úıden tys bir jerge barýdy ádetke aınaldyrý kerektigin jazǵan.

«Keıbiri balasyna daýys kóteredi, buıryq beredi, qatań tártip ornatady. Degenmen, ata-ana balamen baılanysyn jaqsartý úshin adam ishki sezimine senýi kerek» dep jazady avtor.

Onyń aıtýynsha, bala tárbıesi tájirıbeni qajet etedi dep jazatyn kitaptarǵa kóp sene berýge bolmaıdy.