Balany qaǵyp ketken «Hammerdiń» ıesi túrmege attandy
ASTANA. QazAqparat - Astanadaǵy aýlalardyń birinde balany qaǵyp ketken «Hammerdiń» júrgizýshisi bas bostandyǵynan aıyryldy, dep xabarlaıdy QazAqparat tilshisi Astana sotynyń baspasóz qyzmetine silteme jasap.
«Astana qalasy Almaty aýdandyq №2 sotynyń sheshimine sáıkes, H. esimdi azamat QR Qylmystyq kodeksiniń 345-baby 2-tarmaǵy boıynsha kináli dep tanylyp, bir jylǵa bas bostandyǵynan aıyrý jazasyna kesildi. Budan bólek, oǵan 3 jyldyń ishinde kólik júrgizýge tyıym salynady», - delingen resmı xabarlamada.
Aıta keteıik, atalǵan oqıǵa tamyzdyń 16-sy kúni Astananyń Tarxan kóshesi boıyndaǵy aýlalardyń birinde boldy. Sol kúni «Hammer» markaly avtokólik mingen azamat joldasymen birge fýtboldan qaıtyp kele jatqan balany qaǵyp ketken. Sonyń saldarynan bala aýyr jaraqattar alyp, aýrýxanaǵa túsken.
