Balanyń esirtki jasyrýshy bolyp jumys isteıtinin qalaı bilýge bolady

Balanyń esirtki jasyrýshy bolyp jumys isteıtinin qalaı bilýge bolady? Bul saýalǵa ІІM mamandary jaýap berdi, dep habarlaıdy Kazinform agenttigi.

Polıtsııa ata-analarǵa myna belgilerge nazar aýdarýdy usynady:

• balanyń telefonynda úı kireberisteriniń, aıaldamalardyń, qabyrǵalardyń sýretteri paıda bolsa;
• jeke zattary arasynda ızolenta, zip-paketter, qalta elektrondy tarazylary paıda bolsa;
  aralasatyn ortasy ózgerse;
• sóıleý máneri ózgerip, áńgime taqyrybyn burýǵa tyryssa, dórekilik tanytsa;
• kún tártibi ózgerse: oqýǵa birneshe saǵat buryn ketip, oqýdan birneshe saǵatqa keshikse, kimmen jáne qaıda bolǵanyn aıtpasa;
• jańa zattar paıda bolsa jáne onyń qaıdan kelgenin túsindirýden bas tartsa.

"Bul belgilerdiń paıda bolýy balany baqylaýǵa, kez-kelgen zańsyz is-árekettiń saldaryn túsindire otyryp, onymen sóılesýge sebep bolýy kerek", - dep jazdy vedomstvodan.

Іshki ister mınıstrligi esirtki qylmysy úshin qylmystyq jaýapkershilik 16 jastan, al esirtki satqany úshin 14 jastan bastalatynyn eske salady.