Balany aıaqtan aıyrǵan apat: ІІM raqymshylyqqa qatysty pikir bildirdi
ASTANA. KAZINFORM — Astanada balany eki aıaǵynan aıyrǵan kólik apatyna kináli júrgizýshiniń raqymshylyqqa iligýi ádiletti me? Іshki ister mınıstrligi Ákimshilik polıtsııa komıtetiniń tóraǵasy Qaısar Sultanbaevqa OKQ alańynda ótip jatqan baspasóz máslıhatynda osyndaı suraq qoıyldy.
— Jalpy biz materıal ázirleımiz. Ári qaraı ol materıal sotqa joldanady. Sheshimdi sot shyǵarady. Bizdiń sot sheshimine kıligýge haqymyz joq. Sot sheshim qabyldady ma, ıaǵnı bul zańdy, — dedi Qaısar Sultanbaev.
Eske salsaq, maýsym aıynda elordadaǵy avtobýs apatynyń saldarynan bir balanyń eki aıaǵy birdeı kesilgen bolatyn.
«Eýrazııa» saqtandyrý kompanııasy zardap shekken qyz balanyń otbasyna 19,66 mıllıon teńge kóleminde jedel saqtandyrý tólem jasady.
Avtobýs apatynan aıaǵynan aıyrylǵan qyz bala memlekettik járdemaqy alatyny anyqtaldy.
Keıinnen 2 aıaǵynan aıyrylǵan búldirshin úıden oqıtyny aıtyldy.