Balany Atbasardan Kókshetaýǵa sanavıatsııamen jetkizdi

ASTANA. KAZINFORM – TJM «Qazavıaqutqarý» áýe bóliminiń ushqyshtary sanıtarlyq avıatsııa dárigerlerimen birlesip, aýrýy shuǵyl medıtsınalyq aralasýdy qajet etken 2017 jyly týǵan patsıentti Aqmola oblysy Atbasar qalasynan Kókshetaý qalasyndaǵy medıtsınalyq mekemege shuǵyl túrde jetkizdi.

Dárigerlerdiń kásibıligi, ekıpajdyń uqypty jumysy jáne borttyń tehnıkalyq daıyndyǵynyń arqasynda patsıent tar mamandardyń bilikti medıtsınalyq kómegin alý úshin oblys ortalyǵyna aman-esen jetkizildi.

TJM ushqyshtarynyń jumysy qysqa merzimde ómirdi qutqarýdy qamtamasyz ete otyryp, jedel járdem júıesindegi mańyzdy býyn bolyp qala bermek. 

Aıta ketelik shetelden sanavıatsııamen elge qansha adam jetkizilgeni týraly jazǵan edik.