Balandın álem chempıonatynyń jartylaı fınalyna ótti
NUR-SULTAN. QazAqparat - Búgin Kvandjýda ótip jatqan sý sporty túrlerinen álem chempıonatynda 200 metrge brass ádisimen júzýden irikteý kezeńi aıaqtalyp, Dmıtrıı Balandın jartylaı fınalǵa joldama aldy dep habarlaıdy Olympic.kz.
Balandın atalǵan qashyqtyqty 2:09.27 ýaqyt kórsetkishinde júzip ótip, jalpy esepte 11-shi orynǵa turaqtady. Al óz tobynda Olımpıada chempıony besinshi nátıje kórsetti. Ázirge birinshi orynda avstralııalyq Mettıý Ýılson (2:07.29) tur. Ekinshi orynda reseılik Anton Chýpkov (2:08.22). Úzdik úshtikti germanııalyq Marko Koh (2:08.70) túıindedi.
Aıta ketelik, Balandın 200 metrge brass ádisimen júzýden Rıo Olımpıadasynyń chempıony atandy. Jartylaı fınal búgin keshki ýaqytqa josparlanǵan.
