Balamen kezdesý quqyǵy: sot oryndaýshysynyń shyǵynyn endi kim tóleıdi
ASTANA. KAZINFORM - Astana qalasy prokýratýrasynyń bastamasymen jeke sot oryndaýshylarynyń óńirlik palatasy, Ádilet departamentiniń ókilderiniń qatysýymen jumys kezdesýi ótti, dep habarlaıdy Astana qalalyq prokýratýrasynyń baspasóz qyzmeti.
Kezdesýdiń negizgi taqyryby ata-analardyń balalarmen qarym-qatynas jasaý tártibin aıqyndaýǵa qatysty sot sheshimderin oryndaý máselesi boldy.
Buǵan deıin sot arqyly balasymen kezdesýge quqyq alǵan ata-ana eleýli qarjylyq júktemege tap bolatyn. Eger ekinshi ata-ana kezdesýge kedergi keltirse, jeke sot oryndaýshyny tartýǵa týra keletin. Al jeke sot oryndaýshynyń sot sheshimin májbúrlep oryndaýy úshin kórsetilgen qyzmetterdiń aqysy óndirip alýshy men boryshkerge teń mólsherde júkteletin.
Konstıtýtsııalyq Sot atalǵan tájirıbeni Konstıtýtsııa talaptaryna sáıkes kelmeıdi dep tanydy. Konstıtýtsııalyq Sottyń 11.06.2026 j. № 86-NQ normatıvtik qaýlysyna sáıkes balanyń quqyqtaryn qorǵaý jáne ata-ananyń ony tárbıeleý quqyǵy azamattyń múliktik jaǵdaıyna táýeldi bolmaýǵa tıis.
Kezdesý qorytyndysy boıynsha qadaǵalaý organynyń qyzmetkerlerimen jańa quqyqtyq tetikterge jan-jaqty túsindirme berildi. ıAǵnı, jeke sot oryndaýshynyń qyzmetine baılanysty shyǵystar endi tek boryshkerden óndiriletin bolady.
Sonymen qatar, taraptar azamattardyń quqyqtarynyń buzylýyna jol bermeýge baǵyttalǵan is-qımyl algorıtmderin ázirledi.
Jańa ereje ata-analar men balalardyń qaıta qaýyshý rásimin barynsha qoljetimdi ári jedel etýge baǵyttalǵan.
Osyǵan deıin elde alıment qoryn qurý qaıta usynylǵany týraly jazdyq.
