Balamen az sóılesýdiń zııany kóp – zertteý

NUR-SULTAN. QazAqparat - Bala týa salysymen onymen sóılese almaıtynyń anyq. Tipti, túnde durys uıyqtamaıtyn balany baǵamyn dep ózińde de ál bolmaıdy. Bala óse kele olar áńgimege jaýap bere bastaıdy. Degenmen, zertteýler kórsetkendeı, keıbir ata-analar balalarymen múldem sóılespeıdi jáne onyń uzaqmerzimdi keri áseri óte kóp dep jazady VVS.

Avtordyń aıtýynsha, adamnyń bolashaǵyna kóp áser etetin negizgi faktordyń biri – til. Al kóptegen neırobıologtardyń zertteýleri bala tiliniń shyǵýy mıdyń damýyna jaqsy áser etetinin kórsetken edi.

«Neırobıologtar bala sóıleı almasa da, oǵan til qatýdyń paıdaly ekenin anyqtady. Ata-anasy kóp áńgime aıtqan balalardyń oı qabiletteri joǵary deńgeıde bolady. ıAǵnı, passıvti tyńdaý da balaǵa jaqsy áser etedi. Mıdyń áleýmettik jáne tildik qatynastarǵa jaýap beretin bóligi balalardyń ata-anasymen qatynasyna baılanysty bolady. Ata-anasy balasyna qarap sóılegende tildik qabiletter damıdy jáne dúnıetanym deńgeıi artady», deıdi ǵalymdar.

Sonymen qatar, ǵalymdar ata-anasy sóılesý úshin balasyna ýaqyt bólgen balalardyń til baılyǵy jaqsy bolatynyn da anyqtaǵan.

«Eresekter kúndelikti kúıbeń tirlik pen kúızelisten balalarmen sóılesýge az ýaqyt bóledi. Degenmen, bizdiń balalarmen qalaı sóılesetinimiz, olardy qalaı tyńdaıtynymyz olardyń mıynyń damýyna jaqsy áser etedi», delingen maqalada.